Қозоғистоннинг «Tenge Bank»и Ўзбекистонда иш бошлайди. Бу ҳақда Марказий банк каналида расмий хабар бериб ўтилди.«Ўзбекистон Республикаси Марказий банки Бошқаруви «Тенге банк» акциядорлик тижорат банкига банк операцияларини амалга ошириш ҳуқуқини берувчи лицензия бериш тўғрисида қарор қабул қилди», – дейилади лицензия берилганлиги тўғрисида Марказий банк хабарномасида.
Эслатиб ўтамиз, «Tenge Bank» Қозоғистоннинг «Halyk Bank»ига қарашли бўлиб, Ўзбекистонда иш бошлаш учун махсус ташкил этилган.