Rossiyada internetga ulanish xizmatlarining past narxda bo‘lishi saqlanib qolishi, istiqbolda esa umuman bepul bo‘lishi kerak.
Bu haqda, “TASS” xabariga ko‘ra, Rossiya parlamentining axborot siyosati, axborot texnologiyalari va aloqa qo‘mitasi rahbari Leonid Levin ma’lum qilgan.
Uning so‘zlariga ko‘ra, davlat internet tariflari aholi foydalana oladigan darajada bo‘lishiga alohida e’tibor qaratishi kerak.
Deputatning so‘zlariga ko‘ra, yaqin kelajakda Rossiyadagi o‘rtacha internet-foydalanuvchi siymosi talaba bo‘lmaydi, aksincha, uncha qimmat bo‘lmagan planshet orqali internetga kiruvchi buvijonlar bo‘ladi.