Barcha yangi iPhone 12’lar narxi oshkor qilindi

^{Foto: Pixabay}
GSMArena sayti Apple @RUMORs nikli insayderga asoslanib Twitter’da turli xotira hajmlariga ega to‘rtta yangi iPhone’larning narxini e’lon qildi. Bu haqda Hi-Tech.Mail.ru xabar berdi.

Eng arzon ayfon o‘tgan yilgi iPhone 11’dan 50 dollarga arzon — 649 dollar evaziga sotuvga chiqariladi.

IPhone 12 mini 64 GB — 649 dollar, 128 GB— 699 dollar, 256 GB — 799 dollar, iPhone 12 64 GB — 749 dollar, 128 GB— 799 dollar, 256 GB — 899 dollar, iPhone 12 Pro 128 GB — 999 dollar, 256 GB — 1099 dollar, iPhone 12 Pro Max 128 GB — 1099 dollar, 256 GB — 1199 dollar.

Bunda smartfonlar 5G versiya bilan ko‘rsatilganmi, yoki 4G bilanmi, tushunarsiz.

Gap-so‘zlarga ko‘ra, yangi avlod mobil tarmoqlarini qo‘llab-quvvatlovchi tizim joriy qilingani bois ayfonlarning tannarxi qimmat bo‘lib ketgan, shuning uchun kompaniya tejamkorlik nuqtai nazaridan komplektatsiyadan quvvatlash moslamasi hamda quloqchinlarni olib tashladi. Ayfonlarga faqat Lightning kabel qo‘shib sotiladi.