Apple yil oxirigacha 75 mlnta yangi iPhone sotmoqchi

^{Foto: REUTERS}
Apple kompaniyasi joriy yilda yangi mahsulotlari taqdimotini ikkiga bo‘lib o‘tkazmoqchi. Dastlab yangi iPhone’ning ikkita hamyonbop 5,4 va 6,1 dyuymli versiyalari chiqadi.

Smartfonlar alyumindan ishlangan korpus oladi. Keyinroq smartfonning 6,1 va 6,7 dyuymli versiyalari chiqadi. 6,7 dyuymli displey kompaniya o‘z smartfonlarini jihozlagan eng katta displey bo‘ladi. Qurilmalar A14 protsessorida ishlaydi.

Kompaniya hammasi bo‘lib yil oxirigacha yangi qurilmalaridan 75 mln dona sotishni rejalashtirmoqda.
Bundan tashqari, kompaniya kuzda ikkita yangi planshet - iPad Air va Pro’ni, yangilangan Apple Watch soatlarini taqdim etadi.