Beeline 2016 yilning 22-26 fevral kunlari Barselonada Halqaro mobil aloqa kongressi doirasida bo‘lib o‘tadigan Global Mobile Challenge jahon birinchiligi boshlangani haqida xabar beradi. Mazkur tanlovning ishtirokchilaridan biri – O‘zbekistonlik “Stolik” startap guruhi, ushbi guruh Moskva shahrida bo‘lib o‘tgan Eurasia Mobile Challenge hududiy finalining g‘oliblar uchtaligiga kirgan.
Global Mobile Challenge, mobil ilovalar segmentida eng yirik va nufuzli tanlov hisoblanib, bu yili barcha qit’adagi minglab raqiblari bilan kurashib, Barselonaga yo‘l olgan 19 jamoani yig‘di. Bu yili GMC doirasida Jazoir, Daniya, Misr, Qozog‘iston, Qatar, Keniya, Kolumbiya, Quvayt, Qirg‘iziston, Meksika, Nigeriya, Gollandiya, Palestin, Singapur, O‘zbekiston, Filippin, Fransiya, JAR va Yaponiya mamlakatlari vakillari ishtirok etishadi.
Eslatib o‘tamiz, Eurasia Mobile Challenge (“Evraosiyo Mobil Kubogi”) 2015 yilning sentyabr oyida boshlanib, Make Your Mark (“O‘z izingni qoldir”) nomli VimpelCom‘ning global loyihasi doirasida o‘tkazilmoqda. Tanlov Evraosiyoda raqamli startap-ekotizimning faol rivojlanishiga ko‘maklashish, shuningdek yangi mobil echimlarni yaratish va joriy etish uchun texnologik qurollar bilan ta’minlashga qaratilgan.