2019 yilda eng ko‘p sotilgan smartfon nomi ma’lum qilindi

^{Foto: AP Photo / NOAH BERGER}
2019 yil yakunlariga ko‘ra, Iphone XR jahonda eng ko‘p sotilgan smartfon bo‘ldi. Bu haqda Omdia tadqiqot kompaniyasi ma’lum qildi.
Hisob-kitoblardan ma’lum bo‘lishicha, Apple o‘tgan yili ushbu versiyadagi smartfondan 46,3 million dona sotgan.
Ikkinchi o‘rinda Iphone 11 joylashdi - 37,3 million dona.

Ro‘yxatning keyingi o‘rinlaridan Samsung – A10 (30,3 million dona), A50 (24,2 million dona) va A20 (19,2 million dona) joy oldi.
Yuqori o‘nlikka shuningdek, Iphone 11 Pro Max, Iphone 11 Pro va Iphone 8 hamda Redmi Note 7 va Samsung Galaxy J2 Core kirdi.