2016 yil 1 yanvardan boshlab O‘zbekiston uyali aloqa operatorlari o‘z faoliyatidan oladigan daromadga qarab soliq to‘laydi. Bu haqda Kun.uz
xabar bermoqda.
Sputnik agentligi xabarida keltirilishicha, agarda uyali aloqa sohasida ishlaydigan korxona rentabelligi 20 foizni tashkil etsa, operator odatiy stavka bo‘yicha — 7,5 foiz soliq to‘laydi. Daromadning 20 foizdan oshgan qismidan esa 50 foiz soliq olinadi.
Axborot texnologiyalari va kommunikasiyalar vazirligi ma’lumotiga qaraganda, O‘zbekistonda 2015 yilning oxirida uyali aloqa abonentlari bazasi 21,6 millionni tashkil qilar edi. Bu 2014 yilga qaraganda 1,6 millionga ko‘p.
Hozirgi vaqtda O‘zbekiston uyali aloqalar bozorida beshta uyali aloqa operatori mavjud: Bilayn, Yusell, YuMS, Perfektum va Uzmobayl kompaniyalari. O‘zbekistonda uyali aloqa xizmati asosan GSM standartida ko‘rsatiladi. Perfektum va Uzmobayl kompaniyalari CDMA standartlarida xizmat ko‘rsatadi.