Beeline va “VыmpelKom” OAJ (Rossiyada Bilayn brendi) “Bilayn puli” to‘lov tizimi doirasida mijozlararo mobil telefon xisobini to‘ldirish yangi tizimi ishga tushirilgani haqida e’lon qilishmoqda.
Endi “Bilayn”ning rossiyalik mijozlari Beeline O‘zbekiston abonentlaro bo‘lmish o‘z yaqinlarining hisoblariga komissiyasiz pul o‘tkaza olish imkoniga egadirlar. 100 dan 15 000 rublgacha bo‘lgan miqdordagi mablag‘ni Beeline mijozlari o‘zlarining rossiyalik raqamlari orqali dunyoning istalgan nuqtasidan o‘tkazishlari mumkin. Buning uchun “Bilayn puli” to‘lov tizimining sahifasiga kirish (“Hisobdan to‘lash” bo‘limi), yoki 7878 raqamiga to‘ldirilishi zarur bo‘lgan mablag‘ni rubl ko‘rinishida yozib SMS yuborish lozim.
Mablag‘lar Beeline O‘zbekiston dollarlik xisobiga o‘tkaziladi. Valyuta konvertasiyasi Rossiya Federasiyasi Markaziy Bankining to‘lov amalga oshirilayotgan kunidagi kursi bo‘yicha amalga oshiriladi. Konvertasiya chog‘ida qo‘shimcha +2% echib olinadi. Pul o‘tkazish komissiyasiz. “Beeline O‘zbekiston” raqamiga pul o‘tkazgan abonent hisobidan komissiya echib olinmaydi.
Voqeani sharhlar ekan, Unitel MChJ tijorat direktori Maksim Efremov shunday dedi: “Mazkur xizmat Beeline servisi darajasini yanada oshirish, shu bilan birgalikda mijozlarga xizmat ko‘rsatishni yaxshilashga qaratilgan. Onlayn-to‘lovlardan foydalanishning osonligi va texnologikligi ularning keng ommabopligi va mijozlarimiz ishonchini ta’minlaydi, shuning uchun biz bu yo‘nalishda amalga oshirilgan har bir qadamni qo‘llab-quvvatlaymiz”.
“Mijozlarimiz o‘z yaqinlari va do‘stlari bilan doimo aloqada qolishlari uchun yana bir imkoniyat – o‘z mobil telefonlaridan “Beeline O‘zbekiston” raqamiga mablag‘ o‘tkazish imkonini yaratdik. Biz uchun xizmatlarning osonligi va qulayligi muhim, shuning uchun pul o‘tkazish jarayonida komissiya yo‘q”, – deydi OAJ “VыmpelKom” moliyaviy dastur va servislarni rivojlantiruvchi direktor Aleksandr Saxarov.
Xizmat haqida batafsil ma’lumot www.beeline.uz va www.beeline.ru saytlarida.