WhatsApp messenjerida xuddi Telegram’dagidek kanallar paydo bo‘ldi, Bu haqda Spot'ga tayanib Daryo nashri xabar berdi.Funksiya guruh chatlari uchun Broadcast Only degan nom oldi, u dasturning so‘nggi versiyasida bor. U guruh administratorlaridan boshqa ishtirokchilarga xabarlar yuborishni taqiqlaydi.
“Foydalanuvchilar allaqachon guruhlardan muhim axborotlarni olish uchun foydalanmoqda, masalan, pedagoglar o‘quvchilarning ota-onalariga o‘quv jarayoni haqidagi yangiliklarni yubormoqda, notijorat tashkilotlari va hududiy markazlar o‘z faoliyati haqida xabar bermoqda. Yangi funksiya bilan buni amalga oshirish soddalashadi”, — deyiladi WhatsApp xabarida.