Yaponiyaning Procyon koinot apparati 16 noyabrda olingan Er va Oy suratini uzatdi. Mazkur surat 8 million kilometr masofadan turib olingan. Bu haqda Meduza xabar bermoqda.
Fotosuratda sayyoramiz va uning yo‘ldoshini darrov ilg‘ab olish qiyin, biroq ularning o‘lchamidan kelib chiqib, oralaridagi masofaga baho berish mumkin.
Procyon 2014 yil o‘rtalarida uchirilgan salkam 60 kilogramm keladigan zond bo‘lib, asosan, asteroidlarni yaqindan turib tadqiq etishi ko‘zda tutilgan.
Manba: Daryo.uz