Pepsi kompaniyasi o‘z logotipi bilan ishlab chiqarilgan gadjetini taqdim etdi, deb xabar beradi «Hi-tech.mail.ru».
Pepsi Phone 5,5 dyuymli, 1920 x 1080 pikselli 2,5D displeyga ega bo‘ldi. Shuningdek, unda 64 bit, 1,7 GGs chastotali sakkiz yadroli MediaTek MT6792 prosessori, 2 GB tezkor va 16 GB doimiy xotira, 13 megapikselli asosiy va 5 megapikselli old kamera hamda 3000 mAs sig‘imga ega akkumulyator mavjud.
Slot ikkita SIM-kartadan foydalanishga mo‘ljallangan. Smartfon to‘rtinchi avlod LTE mobil tarmog‘ini «ko‘tara oladi». Pepsi Phone’ning o‘lchamlari 152,2x76,2x7,7 mm, og‘irligi 158 grammga teng. Gadjet korpusi moviy, oltin va kumush ranglarda chiqariladi.
Smartfon, shuningdek, tobora mashhur bo‘lib borayotgan barmoq izlari skaneriga ham ega.
Manba: Daryo.uz