Beeline Mobile Quality Analyzer (MQA) ilovasini Google Play onlayn-do‘konida joylashtirdi. Endi har bir Beeline abonenti Android OT boshqaruvidagi smartfoni orqali dasturni yuklab olib, doimiy ravishda mobil Internetning sifatini o‘lchash imkoniga ega.Voqeani sharhlar ekan, Unitel‘ning mijozlar tajribasini rivojlantirish bo‘yicha loyiha rahbari Oraz Abdurazakov shunday dedi: “Beeline - ko‘rsatilayotgan xizmatlar sifatini baholash uchun bevosita abonentlarni jalb etgan O‘zbekistondagi birinchi aloqa operatoridir. Biz mijozlarning tanlov-istaklariga mos kelgan ochiq xizmat ko‘rsatish kompaniyasini barpo etmoqdamiz, MQA kabi raqamli echimlar esa mavjud tarmoq qoplami haqida ob’ektiv qayta aloqaga ega bo‘lishga yordam beradi”.
Eslatib o‘tamiz, iyul oyining boshida Beeline O‘zbekiston uchun noyob bo‘lgan Mobile Quality Analyzer taqdim etilayotgan xizmatlarning sifatini tarmoqda monitoring qilish dasturi ishga tushirilgani haqida e’lon qilgan edi. MQA o‘lchov natijalari kelgusi ishlash, hisobotlar, grafiklar va boshqa analitik ma’lumotlar yaratish uchun ma’lumotlar bazasida saqlanib qoladi. Tarmoq holati va drayv-testlar natijalarining ichki monitoring jarayoni ushbu ma’lumotlar bilan to‘ldiriladi, buning natijasida tarmoqni kengaytirish va samarali rejalashtirish uchun to‘liq analiz yaratib beriladi.
“Mazkur ilovani o‘ziga hosligi shundaki, u avtonom tizimda ishlaydi va balansdagi mablag‘ni sarflamaydi, shu bilan bir qatorda har bir foydalanuvchiga samarali rejalashtirish va tarmoqning operativ xizmat ko‘rsatishi uchun o‘z hissasini qo‘shish imkonini beradi. Bundan tashqari: MQA ilovasini yuklab olib, smartfonga o‘rnatilsa, 0611 raqamiga qo‘ng‘iroq qilishni unutish mumkin, chunki dastur interfeysi call-markaziga so‘rovlar jo‘natishga, keyin esa ular qaysi bosqichda ekanligini dastur orqali kuzatishga yordam beradi” – belgilab o‘tdi Oraz Abdurazakov.
Bepul Mobile Quality Analyzer dasturi Google Play‘da quyidagi havola orqali mavjud https://play.google.com/store/apps/details?id=com.qualinet.asimus