Beeline ovozli va GPRS-roumingning navbatdagi kengayishi haqida xabar beradi. Vodafone (Chexiya respublikasi) kompaniyasi bilan hamkorlik shartnomasi imzolandi.Voqeani sharhlar ekan, Unitel‘ning texnik direktori Evgeniy Klyuchev shunday dedi: “Chexiyaga dam olish uchun yo‘l olganda, har kim do‘stu-yaqinlari bilan doimo aloqada qolishni istaydi. Mazkur ommabop yo‘nalish sayyohlarni o‘zining yodgorliklari va go‘zal manzarasi bilan jalb etadi. Biz abonentlarimizga Chexiyada qo‘shimcha rouming-muloqot imkoniyatlarini yaratganimizdan mamnunmiz”.
Eslatib o‘tamiz, Beeline 2010 yildan beri O‘zbekistonda birinchi raqamli rouming-operator hisoblanadi. Kompaniya, shuningdek ovozli rouming (185 ta mamlakatda 497 ta operator), GPRS-rouming (161 ta mamlakatda 370 ta operator) va CAMEL-rouming (103 ta mamlakatda 226 ta operator) segmentlarida ham etakchilik qiladi.