Beeline abonent so‘rovlariga tezkorlik bilan xizmat ko‘rsatish uchun Telegram mobil ilovasi orqali yangi kommunikasion kanalni ishga tushirdi.
Mazkur voqeani sharhlar ekan, Unitel‘ning Mijozlarga xizmat ko‘rsatish xizmatining rahbari G‘ayrat Mahkamov quyidagilarni qayd qildi: "Insonlarni maksimal darajada qayta aloqa bilan ta’minlashga intilamiz: 0611 an’anaviy raqamidan tashqari Beeline abonentlari ijtimoiy tarmoqlar, “Onlayn-maslahatchi” chati, mobil ilova orqali murojaat qilishlari mumkin, endi esa Telegram orqali ham buning iloji bor. Yangicha muloqot turi ko‘pchilikga maqul kelishiga ishonaman, shuning uchun boshqa messenjerlarda ham mazkur amaliyotni kengaytiramiz”.
Endi abonentlar Beeline call-markazining telefon raqamini +998901850055 o‘z telefonlarida saqlab qolgan holda, ommabop messenjer orqali kompaniyaga murojaat etishlari mumkin. Abonentlar 0611 raqamiga qo‘ng‘iroq qilgan kabi mutaxassis yordamini oladilar.
Xizmatning ish vaqti – har kuni soat 09:00dan 22:00gacha.