OAV tomonidan «Rossiya dzeni. Bema’ni va beshafqat» deb nomlangan «zenrus.ru» sayti rossiyalik internet foydalanuvchilarning qiziqishlariga sabab bo‘lmoqda. Saytning yagona sahifasi valyuta va neft bozoridagi o‘zgarishlarni kuzatgan holda, meditasiya bilan shug‘ullanishni taklif etadi, deb xabar bermoqda «Kun.uz».
Bosh sahifada uchta interfaol ko‘rsatkich — dollar va evroning rubldagi kursi, shuningdek, neft barellining narxi joylashgan. Kurs o‘zgarganda, raqamlar rangi yashildan qizilga o‘zgaradi.
Sayt ochilganda esa, meditasiya uchun sokin musiqa yangray boshlaydi. Ko‘rsatkichlar dengiz va osmonning oq-qora videosi fonida joylashgan. Sahifaning pastida ijtimoiy tarmoqlarda bo‘lishish uchun tugmalar bor.