Google kompaniyasi 29 sentyabrda San-Fransiskoda bo‘lib o‘tadigan matbuot-tadbiriga jurnalistlarga taklifnoma yuborishni boshladi. Kutilishicha, ushbu tadbirda Android operasion tizimining yangi versiyasi Android 6.0 Marshmallow hamda Nexus va Chromecast seriyasidan o‘rin olgan yangi smartfonlarning taqdimoti bo‘lib o‘tadi.Nexus seriyasidan o‘rin olgan Huawei va LG kompaniyalarining yangi smartfonlari namoyish qilinishi ehtimoli katta. Dastlabki ma’lumotlarga ko‘ra, Huawei 5,7 dyuymli disleyga ega Nexus 6P, LG esa 5,2 dyuymli disleyga ega Nexus 5X modellarini ishlab chiqargan.
Yangi Chromecast asl striming-gadjetga ko‘ra tezroq va kattaroq bo‘lishi mumkin. U simsiz striming musiqaga mo‘ljallangan yana bitta kichik qurilma Chromecast Audio bilan birga namoyish qilinishi mumkin.