2015 yil 17 sentyabr, Moskva-Toshkent. “VimpelCom Ltd.” Kompaniyalar guruhi “Yovraosiyo” hududi Dmitriy Chukov “Unitel” MChJ (O‘zbekistonda “Beeline” SB) bosh direktori lavozimiga tayinlangani haqida xabar beradi. U ish faoliyatini “VimpelCom” kompaniyalar guruhi tashqarida davom ettirishga qaror qilgan Vladimir Petrovning o‘rnini egallaydi.
“Dmitriy ham telekommunikasiya, ham o‘zga sohalardagi tezkor rivojlanib borayotgan bozorlarda katta tajribaga ega. Ishonaman, u biznesning raqamli transformasiyalariga yangi temp bera oladi, shuningdek yangi mahsulotlar va servisga ahamiyat bergan holda O‘zbekistonda ishga qo‘yilgan loyihalarni muvaffaqiyatli rivojlantira oladi, - tayinlovni sharhlaydi “VimpelCom” kompaniyalar guruhi “Yovraosiyo” hududi bosh direktori Mixail Gerchuk. – Vladimir Petrovga uning faoliyati mobaynida “Beeline” guruhi erisha olgan muvaffaqiyatlar uchun minnatdorchilik bildirishni istayman, va unga kelgusida omad tilab qolaman”.
“O‘z tayinlovimni men avvalam bor “Beeline”ning o‘n milliondan ziyod abonentlari va respublikaning telekom-sohasidagi yetakchilar qatoriga chiqargan guruh oldida katta mas’uliyat deb hisoblayman. Kompaniya xizmatlarini texnologik rivojlantirish, shuningdek ma’lumotlar uzatish borasida, mobil moliya xizmatlari va mijozlarga xizmat ko‘rsatishni takomillashtirish – bularning barchasini birinchi navbatdagi masalalar deb hisoblayman. Xizmatlar sifati va innovasiyalar – brendning muvaffaqiyatli kelajagi garovi deb hisoblayman, va ishonaman, “VimpelCom”ning yangi strategiyasining muvaffaqiyatli amalga oshirilishi O‘zbekiston bozorida ajoyib natijalarni ko‘rsatadi”, - deydi Dmitriy Chukov.
Dmitriy Chukov 1997 yilda “Boshqaruv” mutaxassisligi bo‘yicha Sankt-Peterburg harbiy aloqa akademiyasini a’lo natijalar bilan tamomladi, shuningdek Stokgolm iqtisod maktabida malakasini oshirdi.
1990 yilda telekommunikasiya sohasida o‘z faoliyatini boshladi, 2002 yilning iyul oyidan DIXIS raqamli elektronika va uyali aloqa salonlari Rossiya tarmog‘ining biznesini rivojlantirish bo‘yicha direktor lavozimi egallagan, u yerda distribyutorlik tarmog‘i va savdo rivojlanishiga javob bergan. 2004 yilning avgust oyida TELE2 Russia distribusiya va savdolar bo‘yicha direktori lavozimini egalladi. 2006 yilning oktyabr oyidan 2015 yil sentyabr oyiga qadar MTS va AMK “Sistema” Guruhi tarkibida faoliyat yuritgan: avval Korporativ markazning marketing Bo‘limida, keyinchalik esa Turkmaniston, O‘zbekiston va Hindistondagi bo‘linmalariga boshchilik qilgan.