Jahondagi yirik videoxosting —YouTube yil oxiriga qadar pulli obunani yo‘lga qo‘yadi.Yangi xizmat birinchi navbatda faqatgina pulli obuna ro‘yxatidan o‘tgan foydalanuvchilarga mo‘ljallab videoroliklar yaratuvchilar uchun ishga tushiriladi. Bu haqda The Verge'ga asoslanib Kun.uz xabar berdi.
Bundan tashqari, bunday kontent yaratuvchilarga YouTube`ga pulli obuna bo‘lgan foydalanuvchilar tomonidan to‘langan mablag‘lardan ma’lum miqdorda ulush berib boriladi. Shu yo‘l bilan mualliflar reklamalardan emas, balki tomoshabinlar hisobidan pul ishlashadi, deb yozadi nashr.
Pul to‘lagan foydalanuvchilar nafaqat videolarni reklamalarsiz tomosha qilishida, balki pulsiz obuna bo‘lganlar uchun yopiq hisoblangan kontentlarga kirish huquqiga ham ega bo‘ladi.
Bundan avvalroq YouTube Music Key pulli xizmatning beta-namunasini ishga tushirgan edi.