Lenovo kompaniyasi Ideapad Miix 700 transformer planshetini taqdim etdi. The Verge portalining ma’lum qilishicha, u dizayn jihatdan Microsoft Surface planshetiga juda o‘xshashdir.Yangi uskuna 12 dyuymli 2160X1440 nuqtali ekran bilan jihozlanadi. U magnit bilan jipslashtiradigan klaviatura bilan birgalikda 800 gr tosh bosadi.
Lenovo Miix 700 klaviaturasi va ekrani o‘rtasidagi burchak 160 gradusgacha borishi mumkin.
Uskunaning top konfigurasiyasida Intel Core M7 prosessorining bo‘lishi ko‘zda tutilgan, foydalanuvchilar, shuningdek, 8 Gb li OZU va 256 GB li SSD-karta o‘rnatishi mumkin bo‘ladi. Planshetning ikkita kamerasi bor. Unga, shuningdek, Windows Hello biometrik tanish tizimi orqali Windows 10 ga kirish uchun Realsense 3D-kamerasini o‘rnatish mumkin bo‘ladi.
AQShda planshetning asosiy konfigurasiyasi uchun chakan narx 700 dollarni tashkil qiladi. U noyabr oyida sotuvga chiqariladi.
Manba: Kun.uz