Xiaomi kompaniyasi shu yilning 26 iyulida 5.5 dyuymli Full HD ekranga ega Mi 5X smartfonini taqdim qilgan edi.Gadjet ayni paytda flagman smartfonlarda tatbiq qilinayotgan qo‘sh ob’ektivli bosh kamera texnologiyasi joriy qilinganligi bilan o‘ziga xos. Xiaomi Mi 5X kamerasi imkoniyatlariga ko‘ra, kompaniyaning so‘nggi Xiaomi Mi 6 flagmaniniki bilan bir xil: 12+12 MP sensorli bosh kamera.
Xiaomi Mi 5X apparat ta’minoti uchun 1 kristalli, 14 nanometrli yangi Snapdragon 625 chipi, 4 GB tezkor va 64 GB doimiy xotira tanlangan. Kompaniya mazkur devaysni $220 dollardan sotuvga chiqargan edi.
Xiaomi smartfon bahosini xaridorlar uchun yanada qulaylashtirish uchun Mi 5X'ning doimiy xotirasi 32 GB (4 + 32 GB) bo‘lgan talqinini ham tayyorladi. Devays 14 avgustdan firmaning Mi Mall do‘konida $195 dollardan sotuvga chiqariladi.
Manba: Terabayt.uz