WhatsApp messenjeri auditoriyasi kuniga 1 milliard kishidan oshib ketdi, deb yozadi Daryo nashri. Bir oyda dasturdan 1,3 milliard kishi foydalanadi.Har kuni messenjer foydalanuvchilari 55 milliard xabar, 4,5 milliard fotosurat va 1 milliard video yuboradi. U 60 ta tilni qo‘llab-quvvatlaydi.
WhatsApp Stories — o‘z-o‘zidan o‘chib ketadigan xabarlar auditoriyasi kuniga 250 million kishiga etdi. Instagram Stories’ga ham har kuni 250 million kishi tashrif buyuradi, Snapchat’ga esa — 166 million kishi.
2014 yilning fevralida Facebook WhatsApp’ni 16 milliard dollarga sotib oldi, o‘shanda messenjerning auditoriyasi 450 million foydalanuvchidan iborat edi, shularning 320 milliondan ziyodi dasturdan har kuni foydalanar edi. 2016 yilda WhatsApp auditoriyasi oyiga 1 milliard kishiga etdi.