Open Garden kompaniyasi iOS va Android’da ishlaydigan smartfon va planshetlar uchun mo‘ljallangan FireChat messenjeriga o‘rnatilgan yangi texnologiyani taqdim etdi. Bu haqda «RBK»ga asoslanib «Daryo» xabar bermoqda. U ikki kishi o‘rtasida shifrlangan shaxsiy xabarlarni internetga ulanmasdan turib jo‘natish imkonini beradi.Shaxsiy xabarni yuborish uchun foydalanuvchi o‘z smartfoni yoki planshetiga bepul FireChat dasturini o‘rnatishi hamda Wi-Fi tarmoq mavjud bo‘lmasa ham Wi-Fi yoki Bluetooth’ni yoqishi kifoya. Xabar etkazilishi uchun internetga ulanish, shuningdek uyali aloqa bo‘lishi shart emas.
Xabar Open Garden mutaxassislari tomonidan ishlab chiqilgan bir xil darajadagi tarmoq (unda markaziy qurilma bo‘lmaydi, ularning barchasi o‘zaro «aloqada» bo‘ladi) yaratish texnologiyasi yordamida uzatiladi. Dastur smartfondan smartfonga xabarni u egasiga etib bormagunicha yuboraveradi.
Eslatib o‘tamiz, 2014 yil martida FireChat anonim messenjeri sutkasiga 100 ming marta yuklanib olish ko‘rsatkichini qayd etgan edi. O‘shanda u internetsiz ishlab, faqat jamoat chatlarida hamda 70 metrdan ko‘p bo‘lmagan masofadagina xabar almashish imkonini berishi aytilgan edi.