Facebook kompaniyasining Afrikadagi ilk ofisi ish boshladi. Bu ofis JARning Yoxannesburg shahrida joylashgan va bu bo‘limni Nunu Ntshingila boshqaradi. Uning qo‘l ostida 25 nafar xodim ishlaydi, deb yozadi Kun.uz.Bu bo‘lim JARdan tashqari Nigeriya va Keniyadagi ishlarni nazorat qiladi. Shuningdek, Senegal, Kot-d`Ivuar, Gana, Tanzaniya, Uganda, Zambiya, Mozambik va Efiopiyadagi reklama beruvchilar bilan ishlaydi.
Bu ofisni ochishdan bosh maqsad reklama beruvchilarni mobil reklama sohasiga jalb qilish hisoblanadi. Afrikadagi feysbuk foydalanuvchilarining 80 foizi ijtimoiy tarmoqlarga mobil qurilmalar orqali kiradi.
Ma’lumot uchun, 2015 yilda feysbukning Afrikada yashovchi foydalanuvchilari soni 120 mln nafarni tashkil etgan. Bu esa 2014 yilning sentyabridagi 20 million kishilik ko‘rsatkichdan 6 barobar ko‘proq.