Xitoyning Xiaomi kompaniyasi keyingi oyda o‘zining navbatdagi flagman smartfoni bo‘lmish Xiaomi Mi 6 devaysini namoyish qiladi. Uning keramika mahsulotidan ishlab korpus versiyasi ham bo‘ladi.
Mazkur smartfon 6 gigabaytli tezkor xotira va 128 GB flesh-xotira bilan ta’minlanadi. Bu haqda Gizmochina insayderiga tayanib Terabayt
ma’lumot berdi.
Ishonchli manbaaning xabar berishicha, Xiaomi flagmanni 16 aprelda taqdim qiladi va shu oydan sotuvga chiqaradi. Mi 6 jahonning eng kuchli prosessori bo‘lgan Snapdragon 835’da faoliyat ko‘rsatadi. Shuningdek, uning 5,2 dyuymli displeyi 2.5D effektiga ega himoya shishasi bilan qoplanadi.
Shuningdek, Mi 6 yaqindagina taqdim qilingan Sony Xperia XZ Premium’da o‘rnatilgan kamera texnologiyasiga ega bo‘ladi. Ya’ni, gadjet 19 megapikselli, 1/2,3 dyuymli sensor, lazerli avtofokus hamda f/2.0 turidagi yorug‘lik o‘tkazuvchi optik pribor bilan ta’minlanadi.
Shuningdek, Xiaomi Mi 6’ning standart talqini 4 GB operativ, 32 yoki 64 GB doimiy ichki xotiraga ega bo‘ladi.
Ekspert va tahlilchilarning fikricha, flagmanlarga ham etakchi raqiblariga qaraganda 2 barobar arzon narx qo‘yadigan Xiaomi kompaniyasi Mi 6’ning bazaviy talqinini $290, yuqori talqinini $362 dollardan sotuvga chiqaradi.
Fevral oyi yakunida xitoylik ishlab chiqaruvchi Xiaomi o‘zining shaxsiy prosessori bo‘lmish Surge S1 prosessorida ishlaydigan Xiaomi Mi5C smartfonini namoyish qilgan edi.