Samsung kompaniyasi kelgusi oyning 5-8 yanvar kunlari Las Vegas (AQSh, Nevada) shahrida bo‘lib o‘tadigan CES 2017 ko‘rgazmasida kvant nuqta (Quantum Dot) texnologiyasida ishlangan qayirma ekranli CH711 monitorini namoyish qiladi, deb xabar bermoqda Terabayt.uz sayti.Monitor video-o‘yin havaskorlari uchun maxsus yaratilgan, u avvalgi modellardan yanada tiniq va sifatli tasvir bilan farqlanadi. Qurilma 27 va 31,5 dyuymli ekran versiyalarida chiqariladi.
Samsung CH711 qayrilgan 1800R matrisa bilan jihozlanadi, ekran WQHD (2560 x 1440 piksel) formatida, namoyish burchagi 178 gradus (sRGB rang ko‘lami 125%).
Monitorlarning narxi va sotuv sanasiga aniqlik kiritilmagan.