Samsung kompaniyasi 25 aprel kuni Toshkentda Samsung Galaxy S6 edge smartfoni taqdimotini o‘tkazadi. Facebook’dagi Samsung Mobile Uzbekistan sahifasida ma’lum qilinishicha, taqdimot marosimi “Turkiston” saroyining yozgi saroyida, soat 17:00da boshlanadi.Ma’lumot uchun, Galaxy S6 va S6 edge smartfonlarining xalqaro taqdimoti 1 mart kuni bo‘lib o‘tgan, mart oyi oxirlarida esa qurilma Toshkent texnobozorlarida paydo bo‘lgan, dastlabki savdolardan keyingi biri hafta ichida 600 ming so‘mga arzonlashishga ham ulgurgandi.
Qayd etish joiz, Samsung kompaniyasi so‘nggi bir necha yildan beri Toshkentda o‘zining flagman mobil qurilmalari taqdimotini o‘tkazishni odat tusiga kiritdi. Xususan, 2012 yil iyunida Samsung Galaxy S3, 2014 yil aprelida esa Samsung Galaxy S5 taqdimoti Toshkentda o‘tkazilgan edi.
Manba: www.kun.uz