2011 yilning 15 dekabr sanasida Google kompaniyasi tomonidan yaratilgan Chrome brauzeri, agar muayyan versiya bo‘yicha olganda, boshqa yirik raqiblarini ortda qoldirib, jahonning eng ommabop internet brauzeriga aylanadi. Brauzer uchun bunday tarixiy holat uning 15 versiyasida qayd etilgan, deb yozmoqda Terabayt.uz sayti.Google Chrome 15 yuqoridagi sanada ommaboplikda o‘zining eng jiddiy raqobatchisi Internet Explorer 8 brauzeridan ham o‘tib ketadi. StatCounter nashri bergan xabarga ko‘ra, ushbu sanada Google Chrome 15 versiyasini jahon bo‘ylab 24,55% foydalanuvchilar ishlatgan bo‘lsa, Explorer 8 brauzeridan 22,16% odam foydalangan. Firefox brauzerining so‘nggi versiyasiga tegishli ulush esa 15,53 foizni tashkil qilgan. 2011 yildagi umumiy ko‘rsatkichlarda Internet Explorer etakchilik qilgan bo‘lsa-da, 2012 yilda Google Chrome (32b75%) uni ortda qoldiradi. Shundan buyon Google Chrome brauzerining ulushi yildan-yilga ortib bormoqda.