Google korporasiyasi Kuba hukumati bilan orol davlat aholisiga o‘z servislaridan tezkor foydalanish imkoniyatini taqdim etish haqida kelishuv tuzdi, deb yozadi «Daryo».AP ma’lumotlariga ko‘ra, kelishuv Kuba hukumati vakillari va Google’ga egalik qiluvchi Alphabet korporasiyasi rahbari Erik Shmidt o‘rtasida uning Gavanaga 12 dekabr kungi tashrifi chog‘ida rasman imzolanadi.
Shartnoma kubalik foydalanuvchilarga Google’ga taalluqli Gmail, YouTube va boshqa qator saytlardan yuqori tezlikda foydalanish imkoniyatini taqdim etishni ko‘zda tutadi.
Agentlik ta’kidlashicha, Kubadagi internet aloqasi dunyodagi eng sekin ishlaydiganlaridan biridir.