Britaniyaning Experian kompaniyasi mutaxassislarining taxminlariga ko‘ra, 2020 yilga kelib smartfonlar orqali to‘lovlarga amalga oshirilishi oddiy holga aylanib, bank kartalariga ehtiyoj qolmaydi. Kompaniya o‘tkazgan so‘rovnoma natijalariga ko‘ra, har uchinchi britaniyalik smartfon foydalanuvchisi (so‘rovnomada ishtirok etganlarning 33 foizi) bank kartalarining o‘rniga telefon orqali to‘lovlar amalga oshirishni qulayroq deb hisoblaydi va kelajakda bu xizmatning kengaytirilishi tarafdoridir.
Smartfonlar orqali to‘lovlarni amalga oshirishning hanuzgacha keng tarqalmaganligiga sabab sifatida so‘rovnomada ishtirok etgan respondentlarning yarmi (46 foiz) qalloblik xavfini ko‘rsatgan. Bundan tashqari, 60 foiz respondentlar o‘z smartfonlariga tegishli himoya dasturlarini o‘rnatmaganliklarini aytishgan.
Smartfonlar orqali to‘lovlar amalga oshirishni qalloblikdan himoya qilish uchun respondentlarning 44 foizi ko‘z to‘r pardasini skanerdan o‘tkazish yoki barmoq izlari orqali identifikasiya qilishi singari biometrik usullardan foydalanish, 19 foizi ovoz orqali tanish texnologiyasini joriy qilish kerakligini aytgan.