AQShning Kingston kompaniyasi yangi turdagi 256 gigabaytli microSDXC Class 10 UHS-I xotira kartasini tayyorladi. Qurilmaning gabaritlari 11 x 15 x 1 mm, u suvdan IPX7 standarti bo‘yicha himoyalangan.
Terabayt.uz saytining ma’lum qilishicha, microSDXC-karta turli ob-havo sharoitlarida ham ishlashi mumkin (Selsiy bo‘yicha -25 sovuq va +85 issiqqacha). Bundan tashqari, xotira kartasi juda kuchli bo‘lmagan zarba va tebranishlarga chidamli. Bunday xususiyat, ayniqsa, aeroportlarda qo‘l keladi.
Ma’lumotni yozish tezligi 10 MB/soniyadan boshlanadi, o‘qish tezligi esa soniyasiga 45 MBni tashkil qiladi. Qurilma Class 10 tasnifiga kirganligi uchun unga muddatsiz kafolat xizmati ko‘rsatilishi ma’lum qilingan.
Hozircha xotira kartasining narxi haqida ma’lumot berilmagan.