Facebook kompaniyasi bir necha mamlakatlar vakillari bilan olis hududlarni internetga ulashda dronlardan foydalanish masalasini muhokama qilmoqda. Bu haqda Daryo.uz xabar bermoqda.Bunda Aquila uchuvchisiz apparatidan foydalanish ko‘zda tutilmoqda. Dron ilk parvozini joriy yilning iyunida Arizona shtatidagi poligonda amalga oshirgan edi.
300 kilogramm massaga ega apparatning qanot qoqish masofasi Boeing 737 nikidan kattaroqdir (42,06 metr). Uning birinchi parvozi ko‘zda tutilganidan bir soatga ko‘proq — 96 daqiqa davom etdi.
Tizim ishlab chiquvchilari sinovlar yakunlariga ko‘ra bir terabaytga yaqin axborotni qo‘lga kiritdi. Aquila keyingi parvozini amalga oshirguniga qadar ushbu axborotni tahlildan o‘tkazish talab etiladi.