Rossiyaning Krivoy-Rog shahrida yashaydigan Valeriy Levchenko ismli dasturchi elektron matnlarni qo‘lyozma konspektlarga o‘giradigan “Pises” nomli servis ustida ish olib bormoqda. Bu haqda TJournal'ga asoslanib "Terabayt.uz" xabar berdi.Dasturchining aytishicha, servis ayni paytda beta-sinov bosqichidan o‘tmoqda. Tez orada undan hamma foydalanishi mumkin bo‘ladi.
Servis rus va ingliz tillaridagi matnlar, tinish belgilari, son va formulalarni aniqlay oladi. Boshqa analoglardana farqli ravishda “Pises” yozuvlarni ba’zi xatolar bilan o‘giradi, natijada yozuv yanada tabiiy ko‘rinadi. Kelajakda servisga turli shrift turlarini qo‘llash ko‘zda tutilgan.
Levchenkoning ta’kidlashicha, mazkur dastur “makulaturani” sevadigan va talabalardan tinmay konstpekt yozishni talab qiladigan o‘qituvchilarga “qarshi kurashishda” juda asqotadi.
Qo‘lyozma shakliga o‘girilgan matnlarni daftarga yoki istalgan A4 formatda chop etish mumkin bo‘ladi.