Rossiyada "YotaPhone 2" ning narxi 32 990 rublni tashkil etadi. "YotaPhone 2 taqdimotidan so‘ng u Evropaning 20 ta davlatida sotuvga chiqariladi. 2015 yilning birinchi choragida smartfonlarni Xitoyda va Osiyo-Tinch okeani mintaqasining boshqa davlatlarida, so‘ngra Kanada va Lotin Amerikasida sotib olish mumkin bo‘ladi ", deb xabar beriladi kompaniyada."YotaPhone 2" smartfonining ilk nusxasi Barselonada 2014 yilning fevralida bo‘lib o‘tgan "Mobile World Congress" ko‘rgazmasida namoyish etilgan edi. Ushbu smartfonning afzalliklaridan biri uning ikkita ekranga egaligidir. Bu ekranlardan biri smartfonning birinchi tomonida joylashgan bo‘lib, 5 dyuymli, ko‘rsatish qobiliyati 1920x1080 bo‘lgan AMLED-displeyidan (filmlar, suratlar ko‘rish uchun, o‘yinlar va internetda ishlash uchun mo‘ljalangan), boshqasi smartfonning ikkinchi tomonida joylashgan 4,7-dyuymli, ko‘rsatish qobiliyati 960x540 bo‘lgan EPD -displeyidan (elektron siyohlar texnologiyasi asosida yaratilgan, xabarlarni ko‘rish, elektron kitoblarni o‘qish uchun mo‘ljallangan) iborat.
"YotaPhone 2" smartfoni shakli o‘zidan oldingi "YotaPhone" smartfonining to‘g‘ri burchakli qirrali shaklidan farqli ravishda, qirralari uchlari dumaloqlangan ko‘rinishga ega. Agar telefon batareykasi o‘tirib qolsa, foydalanuvchi rangli ekranni o‘chirib qo‘yib, faqatgina ikkinchi tomonida joylashgan oq-qora rangli ekrandan foydalanishi mumkin.
Foto: ITAR-TASS
Manba: Kun.uz