Apple kompaniyasi 2017 yilda iPad’ning yangi versiyasini taqdim qilishi mumkin. Bu haqda KGI Securities tahlilchisi Min-Chi Kuoga iqtibos keltirgan holda "Kun" nashri ma’lum qilmoqda. Tahlilchining aytishicha, Apple birdaniga uchta yangi planshet tayyorlamoqda. Uning fikricha, kompaniya 12,9 dyuym diagonalga ega iPad Pro 2 va 10,5 dyuym diagonalga ega iPad Pro ustida ishlamoqda. Bundan tashqari, mutaxassis yana bitta hamyonbop planshet yaratilishini taxmin qilmoqda.
Kuoning aytishicha, Apple shu tariqa ta’lim segmenti uchun mo‘ljallangan qurilmalar bozorini egallamoqchi. Tahlilchilarning prognozicha, kompaniya talab pastligi sababli Mini qatorini rivojlantirishdan voz kechadi.