AQShning Facebook kompaniyasi o‘zining internetga simsiz kirishni ta’minlaydigan OpenCellular platformasini taqdim etdi. U internetdan foydalanish mushkul bo‘lgan aholi yashaydigan hududlar uchun mo‘ljallangan. Bu haqda “Qalampir.uz” xabar bermoqda. Qurilma noqulay obhavo sharoitlariga dosh bera oladi. Uni quvvatlash uchun akkumulyatorlar, quyosh batareyalari va elektr tarmog‘idan foydalanish mumkin.
Facebook asoschisi Mark Sukerbergning so‘zlariga ko‘ra, bitta OpenCellular qurilmasi 1500 kishini internet bilan ta’minlay oladi.
“Er yuzining to‘rt milliarddan aholisi internetga ulana olmaydi. Buning asosiy sabablaridan biri uzoq aholi punktlarida internetdan foydalanish infratuzilmasi mavjud emasligida.”, deydi Sukerberg.
Kompaniya yangi qurilmaning moliyaviy jihatdan hamma uchun qulay narxda bo‘lishi haqida ta’kidlab o‘tdi, lekin uning narxi aynan qancha bo‘lishi haqida ma’lumot berilmadi.
Xabarda yozilishicha, OpenCellular qurilmasidan joriy yilning yozidayoq foydalanish boshlanadi.
Ma’lumot o‘rnida, Facebook dunyodagi eng keng tarqalgan ijtimoiy tarmoq hisoblanadi. Unga 2004 yilning 4 fevralida Mark Sukerberg tomonidan asos solingan. Unga dunyo bo‘ylab oyiga 1.6 milliard foydalanuvchi tashrif buyuradi.