"Roma" bosh murabbiyi Joze Mourino jamoasi "Inter"ga 0:3 hisobida imkoniyatni boy berganidan so‘ng jurnalistlar tomonidan berilgan savollarga javob berdi."Inter" oddiy holatda bizdan kuchli, noodatiy holatda esa ancha kuchli. O‘tgan yili ular "Roma"dan 29 ochko ko‘p jamg‘argandi.
Bugun koronavirus va diskvalifikatsiyalar tufayli qiyin ahvolga tushib qoldik. Hujumdagi salohiyatimizni inobatga olsak, o‘zimizda bo‘lgan 2-3 ta imkoniyatdan foydalanishimiz kerak edi. Yakunda 3 ta vaziyat yarata oldik, ammo gol bo‘lmadi.
Biz kabi himoyaviy uslubda o‘ynasangiz, birinchi va uchinchi gollarni ortiqcha qiyinchiliksiz o‘tkazib yuborasiz.
"Inter"ni tabriklayman va seshanba kuni bo‘lib o‘tadigan "Real"ga qarshi o‘yinda ularga omad tilayman. Barchangizga rahmat, xayr", - dedi portugaliyalik mutaxassis.