Kecha Osiyo Kubogi-2023 saralashidan oldingi so‘nggi pley-off uchrashuvi bo‘lib o‘tdi. Kambodja terma jamoasi Guamni 2:1 hisobida mag‘lub etdi va ikki o‘yin natijasiga ko‘ra (3:1) g‘alaba qozonib keyingi bosqichga chiqdi.
Bir kun oldin Indoneziya terma jamoasi Xitoy Taypeini 3:0 hisobida taslim qilgan va umumiy hisobda (5:1) mag‘lub etgandi. Shunday qilib, Osiyo Kubogi saralashida qatnashadigan barcha 24ta jamoa nomi ma’lum bo‘ldi.
OFK hozircha saralash bahslariga qachon qur’a tashlanishi borasida ma’lumot bergani yo‘q. Jamoalar qur’a tashlash vaqtida FIFA reytingiga qarab 4ta savatchaga bo‘linadi. Ayni paytda O‘zbekiston terma jamoasi FIFA reytingida mana shu 24ta jamoa orasida eng yuqorida turibdi va birinchi savatchadan joy olgan:
O‘zbekiston - 83 Bahrayn - 90 Iordaniya - 92 Qirg‘iziston - 96 Falastin - 100 Hindiston - 106
Tojikiston - 113 Tailand - 117 Filippin - 125 Turkmaniston - 131 Kuvayt - 142 Myanma - 145