BAAning "Shabab Al-Ahli" jamoasi safida ijara asosida harakat qilayotgan Jaloliddin Masharipov "Al-Nassr"ga qaytishi kutilmoqda.
Ma’lumotlarga ko‘ra, Saudiya klubi legionerimizni avstraliyalik darvozabon Bred Jons o‘rniga OCHL pley-off bosqichi uchun ro‘yxatdan o‘tkazadi.
Dubayliklar Masharipovni 6 oyga ijaraga olgan edi. Yarim himoyachi "Shabab Al-Ahli" safida 11ta o‘yinda maydonga tushib, 1ta gol urgan va 4ta golga assistentlik qilgan.
BAA chempionati yana 1 turdan so‘ng yakuniga yetadi. Shuningdek, Jaloliddin jamoasi Fors ko‘rfazi kubogining final bosqichida "Al-Nasr" bilan o‘ynaydi.