Entoni Joshua Kubrat Pulevga qarshi. Bugun tunda 4 ta chempionlik kamari uchun jang bo‘ladi

^{Foto: Twitter}
Boks bo‘yicha WBA, WBO, IBF va IBO yo‘nalishlarida Jahon chempioni Entoni Joshua (23-1-0, 21 KO) navbatdagi jangini bolgariyalik bokschi Kubrat Pulevga (28-1-0, 14 KO) qarshi o‘tkazadi.

Og‘ir vazn toifasi vakillari o‘rtasidagi jang g‘olibi bir yo‘la to‘rtta kamarga ega bo‘ladi. Londondagi boks kechasi Toshkent vaqti bilan 12 dekabrdan 13 dekabrga o‘tar kechasi bo‘lib o‘tadi. Asosiy jang 03:00—04:00 atrofida boshlanishi taxmin qilinmoqda.

Jangdan oldin Joshua va Pulev vazn o‘lchash marosimida ishtirok etdi. Unga ko‘ra sportchilar quyidagi vaznlarni qayd etdi:

Entoni Joshua — 108,8 kg
Kubrat Pulev — 107,9 kg

Eslatib o‘tamiz, Entoni Joshua va Kubrat Pulev o‘rtasidagi jang bunga qadar ikki bor bekor bo‘lgandi. 2017 yilda jangning o‘tkazilishiga bolgariyalik sportchining jarohati to‘sqinlik qilgan bo‘lsa, 2020 yilgi jang koronavirus pandemiyasi sabab qoldirilgandi.