Wanda Group developerlik kompaniyasi rahbari, xitoylik milliarder Van Szyanlin “Milan” klubining yirik aksiyadoriga aylanishi mumkin, deb xabar berdi Corriere dello Sport nashri.
Gazeta ma’lumotlariga ko‘ra, xitoylik tadbirkorning kompaniyasi “rossonerlar” uchun yangi maydon qurilishida ishtirok etadi.
Hozirgi kunda “Milan”ning narxi bir milliard evroga baholanmoqda. Tadbirkor klubning 200-300 mln evrolik asiyalarini sotib olishni rejalashtirilmoqda.
Ma’lumot uchun, Van Szyanlin yaqinda Madridning “Atletiko” klubining 20 foizlik aksiyalari sohibiga aylangan edi. Van Szyanlin Forbes jurnali talqini bo‘yicha dunyoning eng badavlat odamlari reytingida 42-o‘rinni egallamoqda, uning boyligi 18 mlrd dollarga baholangan.