Kecha "Rostov" hujumchisi Eldor Shomurodov Italiyaga yo‘l olgani haqida xabar bergandik. Hamyurtimiz Italiyaga yetib bordi.U yerda nafaqat Italiyaning, balki butun dunyoga mashxur sky sport nashri Eldor Shomurodov haqida quyidagi sarlavha ostida xabar yozdi:
- "Jenoa", mana Shomurodov. O‘zbekistonlik "Messi" keldi.
"Rostov" muxlislari Messiga taqqoslagan o‘zbekistonlik hujumchi Eldor Shomurodov Italiyaga yetib keldi. U Drogba va Torresga havas qiladi hamda Rivaldo va Mourino bilan uchrashgan. Futbolchi tibbiy ko‘rikdan o‘tadi va shartnoma imzolaydi, - deya yozilgan nashrda.
Shomurodov "Jenoa" bilan 4 yillik shartnoma imzolaydi. Uning uchun Italiya klubi "Rostov"ga 9 million yevro to‘laydi. Eldorning o‘zi esa, yillik 600-700 ming yevro maosh olishi kutilmoqda.