Foto: Twitter/@rostovfc«Rostov»ning o‘zbekistonlik hujumchisi Eldor Shomurodov faoliyatini Italiyada davom ettirishi mumkin.
Jurnalist Janluiji Longarining yozishicha, 25 yoshli futbolchi «Jenoa»ga o‘tishga yaqin turibdi. Ta’kidlanishicha, klublar muzokaralarni ijobiy hal etish arafasida. Kelishuv taxminan, 8 million yevroni tashkil qilishi kutilmoqda.
Ma’lumot uchun, Eldor Don klubi safida 2017 yildan beri to‘p tepib keladi. Shu vaqt mobaynida u 91 o‘yinda maydonga tushib, 18 ta gol urdi va 12 ta golli uzatmani amalga oshirdi. Uning «Rostov» bilan amaldagi shartnomasi 2024 yilgacha mo‘ljallangan.