“Barselona” rahbariyati Lionel Messining klubga qarshi bosh ko‘targaniga qaramay, u bilan amaldagi shartnomani yana 2023 yilning yozigacha uzaytirmoqchi.Kataloniya klubi prezidenti Jozep Bartomeu Messining otasi Xorxe bilan bo‘ladigan uchrashuv chog‘ida unga Leoni shartnomani uzaytirishga ko‘ndirishni so‘raydi.
Ikki yilga tuziladigan yangi shartnoma bo‘yicha Messining yillik maoshi o‘zgarishsiz qoladi va u soliqlarni qo‘shib hisoblaganda har bir yil uchun 100 million yevrodan oladi.
Biroq, Messi bu taklifni qabul qilmasligi tayin. Chunki u klubdan ketish qarorida qat’iy turibdi. Va bu masalada maosh miqdori hech qanday ahamiyat kasb etmaydi.