"Barselona"ning yangi bosh murabbiyi Ronald Kuman kataloniyaliklar yetakchisi Lionel Messi haqida o‘z fikrini bildirib o‘tdi.“Men Messini ko‘ndirish masalasida u bilan gaplashamanmi, yo‘qmi buni bilmayman. U – dunyoning eng yaxshi futbolchisi va siz hamisha jamoangizda eng zo‘r futbolchilar o‘ynashini xohlaysiz. Shaxsan men Messi bilan bajonidil ishlagan bo‘lardim. U klubga g‘alabalar olib keladi. Agar u jamoada qolishga qaror qilsa, men bundan juda ham xursand bo‘lgan bo‘lardim”, - deydi gollandiyalik mutaxassis.
“Barselona”da yuzaga kelgan inqirozdan so‘ng Messi jamoadan ketishi haqida juda ko‘p xabarlar chop etilmoqda. Uning klub bilan amaldagi shartnomasi esa yana bir yildan so‘ng o‘z nihoyasiga yetadi.