“Barselona” rahbariyati jamoada zaxira futbolchisi bo‘lib qolishga ko‘nmayotgan Antuan Grizmann uchun yangi ish joyi qidirmoqda.Kataloniyaliklar vaziyatdan unumli foydalanib qolish uchun o‘zlari qo‘lga kirita olmagan Lautaro Martinesni fransiyalik futbolchiga almashtirish rejasini ishga solmoqchi.
Garchi Grizmanning transferi Lautaronikidan qimmat bo‘lsa-da, “Inter” fransiyalik hujumchiga to‘liq egalik qilmoqchi emas. Bunga Grizmanning katta miqdordagi maoshi to‘sqinlik qilmoqda. Shu bois milanliklar Grizmanni bir-ikki mavsumga, maoshining bir qismini to‘lash sharti bilan tarkibga qo‘shishi mumkin. Bu variant esa “Barselona”ni qoniqtirmaydi.