O‘zbekiston terma jamoasi va “Rostov” hujumchisi Eldor Shomurodovga Germaniya klublaridan qiziqish bo‘layotgani xabar qilingan edi.Ayrim ommaviy axborot vositalari, o‘zbekistonlik to‘purarni “Shalke 04” jamoasi o‘z safiga taklif etayotganini ma’lum qilgan.
“Shalke 04” Eldor Shomurodovni shu yilning yozida qo‘lga kiritmoqchi. Hamyurtimizning transferi 5 million yevroga baholanmoqda. Aslida Eldorning transferi ikki barobar qimmat. Lekin pandemiya ta’sirida summalar pasaygani aytilmoqda.
Eldor Shomurodov joriy mavsumda 22 ta uchrashuvda 11 ta gol urdi va jamoadoshlariga 6 ta golli pas uzatdi.