26 yanvar kuni Sport kanalida “Futbol sharhi” ko‘rsatuvining navbatdagi soni efirga chiqdi. Ko‘rsatuvning ushbu sonida ayni paytda Avstraliyada davom etayotgan Osiyo Kubogi-2015 turniridagi ishtirokini muddatidan avval yakunlab qaytgan O‘zbekiston terma jamoasi bosh murabbiyi Mirjalol Qosimov mehmon bo‘ldi. U o‘z qo‘l ostidagi terma jamoa a’zolaridan biri Timur Kapadzening terma jamoagi faoliyatini tugatishi haqidagi qaroriga o‘z munosabatini bildirib o‘tdi.
“Timur o‘zbek futboli tarixiga kirdi. U milliy terma jamoamiz uchun o‘yin o‘tkazish bo‘yicha eng yaxshi ko‘rsatkichga erishgan, uning hisobida 119ta o‘yin bor. Biz uni hurmat qilishimiz kerak, uning terma jamoaga ko‘p bora yordami asqotgan. Biz Toshkentda uning uchun xayrlashuv uchrashuvi o‘tkazib beramiz”, – deydi Mirjalol Qosimov.
Ma’lumot uchun, o‘tgan yilning may oyida poytaxtdagi “JAR” o‘yingohida terma jamoaning bira to‘la uch nafar futbolchisi – Maksim Shaskix, Ulug‘bek baqoyev va Viktor Karpenko kabi futbolchilar uchun xayrlashuv uchrashuvi tashkillashtirilgan edi. Manba: stadion.uz