Shvetsiyalik hujumchi «Milan» 2020 yil yozida tark etadi, deb yozmoqda SportMediaset.Zlatan ayni damda Shvetsiyada. U Milanga qaytishi bilan o‘z qarori haqida agenti Mino Rayola orqali klub bosh direktori Ivan Gazidisga xabar qiladi.
Ibragimovichning bunday qarorga kelishiga «Milan»ning futbol bo‘limi rahbari Zvonimir Bobanning iste’foga chiqarilgan sabab bo‘lgan. Shuningdek, uni klubga taklif etishda asosiy ahamiyat kasb etgan Paolo Maldini ham «Milan»ni tark etishi kutilmoqda. Aynan shu sabablar tufayli Zlatan «Milan»da qolmaslikka qaror qilgan.
Avvalroq 38 yoshli futbolchining 2020 yil yozidayoq faoliyatini yakunlashi mumkinligi haqida xabarlar paydo bo‘lgandi.
Joriy mavsum Ibra «Milan» safida A Seriyaning 8 ta o‘yinida qatnashib, 3 ta gol urdi.