Xabaringiz bor, Finlyandiyaning Xelsinki shahrida boks bo‘yicha "The Gee Bee" turniri bo‘lib o‘tayotgandi. Mazkur musobaqa finaliga chiqqan o‘zbekistonlik 19 yoshli Abdumalik Xalakov (-57 kg) qozog‘istonlik jahon chempioni Qayrat Yeraliyevni 4:1 hisobida mag‘lub etib, turnir g‘olibiga aylandi. Yana bir vakilimiz Asadxo‘ja Mo‘ydinxo‘jayev (-63 kg) jarohat sababli, final jangiga chiqa olmadi va ikkinchi o‘rinni egalladi.
Uch nafar bokschimiz ishtirok etib, bitta oltin va bir kumush medalni qo‘lga kiritishi boz ustiga yosh hamyurtlarimiz bu natijani qayd etganligi yanada quvonarlidir.