Moskvaning "Lokomotiv" klubi va Rossiya terma jamoasi hujumchisi Fyodor Smolovning agenti German Tkachenko mijozining qanday qilib "Selta"ga o‘tgani borasida gapirdi."Smolov Yevropada qoladimi? Balkim, u buni xohlaydi. Vaqti kelganda u qaror qiladi, Fedya yosh bola emas.
"Selta" dastlab Eldor Shomurodovni sotib olmoqchi edi. Ammo biz ularga bu imkonsiz ekanini tushuntirdik va yarim soat o‘tgach ularga Smolovni tavsiya qildik. Ular rozi bo‘lishdi”, - deydi agent.
Eslatib o‘tamiz, Eldor Shomurodov ayni damda 11 ta gol bilan Rossiya premer-ligasi to‘purarlar poygasida peshqadamlik qilmoqda.